Ушбу бўлимда Сиз ZiyoNET Ресурс Маркази томонидан ўтказилаётган барча танловлар ва тадбирлар ҳақида маълумот топишингиз мумкин. Ўтказилаётган танловлар ва тадбирларнинг асосий мақсади ZiyoNET тармоғини ривожлантириш учун ёшларни, ўқувчиларни, ўқитувчиларни ва илмий ходимларни фаол иштирок этишига жалб қилишдир.

Сайт очилганидан бошлаб бир қатор танловлар ўтказилди. Уларнинг ичида, уч мавзувий йўналиш бўйича энг яхши эссе танлови алоҳида ўрин тутади. Булар:«Информатика фанидан дарслар», «Ўқитувчининг фанида АКТнинг тутган ўрни » ва «Ўқув жараёнининг самарадорлигини оширишда АКТнинг аҳамияти ».

Бундан ташқари «ZiyoNET сайтлари»нинг уч номинацияси бўйича танлов ўтказилди:«Мактаб сайти», «Олий ўқув юрти сайти», «Мустақил лойиҳа».

2009 йил 8 апрелда ZiyoNET радио-викторинаси ўтказилди. Ушбу викторина Тошкентнинг 2200-йилига бағишланди.

Сайт-сателлитлар фаолиятини ривожлантириш учун «Сайёра» Интернет-марафони ҳам ўтказилди. Марафоннинг мақсади - ZiyoNET тармоғининг сайтларида қизиқарли ва фойдали маълумотларни жойлаштиришдан иборат эди. Тадбир иштирокчилари сифатида  ZiyoNET порталидаги сайтларнинг муаллифлари, ҳаммуаллифлари қатнашдилар.

Марафон 2   босқичда ўтказилиб, ғолиблар  қимматбаҳо совғалар ва совринлар билан тақдирландилар.

Ушбу марафон ҳақидаги қўшимча маълумот форумнинг «Сайёра» Интернет-марафони махсус бўлимида мавжуд.

Яқинда «Тошкент — севимли шаҳрим» тадбири ниҳоясига етди. Ушбу тадбир MG.UZ Интернет Тармоғи билан ҳамкорликда ўтказилди ва ушбу ўқув йилининг сўнгги қўнғироғига бағишланди.

Тадбирнинг асосий мақсади Тошкент лицейлари ва коллежларидаги ўқувчиларнинг эътиборини жалб қилиш ҳамда таълим олиш ва касб танлаш имкониятини яратиб беришдан иборат эди.

Шуни билдирамизки, ZiyoNET тармоғи Маъмурияти бошқа ташкилотлар билан ҳамкорликда турли тадбирлар ўтказиш бўйича тақдим этилган таклифларни мамнуният билан қабул қилади. Ўз таклифларингизни боғланиш формаси орқали йўлланг ёки биз билан тўғридан-тўғри боғланинг:

E-mail: info@ziyonet.uz

Тел: 998(71) 238-4241

ZiyoNET сайтида доимо турли тадбир ва танловлар ўтказилади. Улардан доимо хабардор бўлинг ва қимматбаҳо совғалар эгасига айланинг!