1. Ҳужжат мазмуни
2. Фойдаланувчилар
3. Ресурслар
4. Сайт-сателлитлар
5 ZiyoNET порталида ва сайт–сателлитларда қуйидагилар таъқиқланади
6. ZiyoNET порталида муаллифлик ҳуқуқи
7. Махфийлик
7.2 Шахсий маълумотларни тўплаш ва улардан фойдаланиш
7.3 Шахсий хабарларни фош этилмаслиги
8. Жазо чоралари
9. Кафилликдан озод бўлиш
1. Ҳужжат мазмуни
1.1 Ушбу қоидалар ZiyoNET ахборот таълим тармоғи (бундан буён ZiyoNET портали) маъмурияти ва фойдаланувчи ўртасидаги юридик масъулиятни белгиловчи шартнома ҳисобланади ҳамда ZiyoNET портали хизматидан фойдаланишни белгилаб беради.;
1.2 Мавжуд қоидалар ZiyoNET порталидан фойдаланилгандан бошлаб амалга киради ва белгиланмаган муддатда фойдаланилади;
1.3 Қоидалар доирасида кўрсатилган бепул хизматларни ҳисобга олган ҳолда фойдаланувчиларнинг ҳуқуқларини ҳимоя қилишни белгилаш уларга нисбатан қўлланилмайди;
1.4 Суд қарорига биноан берилган қоиданинг қайсидир бандини бекор қилиниши ёки мажбурий қўлланилиши битимнинг ушбу бандларини тушунарсиз бўлганлигини ва бажарилмаганлигини кўрсатмайди;
1.5 ZiyoNET порталининг сайтининг маъмурияти Қоидалардаги бандларни бир томонлама иккинчи тарафнинг тасдиқлашисиз ўзгартириши мумкин. Қоидаларнинг таҳрир қилинган янги кўриниши ZiyoNET порталига жойлаштирилган вақтдан бошлаб Қоидаларнинг янги таҳририга жузъий ўзгартиришлар киритилмаган ҳолда эълон;
1.6 Битимнинг бандлари фойдаланувчи томонидан суистеъмол қилинганида ZiyoNET порталининг маъмурияти томонидан чора кўрилмаганлиги ёки ўз имкониятидан келиб чиққани ҳолда кейинроқ чора кўргани бу сайт маъмурияти кейинги сафар бундай қонунбузарликларга йўл қўйилганида ўз ҳуқуқларидан воз кечади дегани эмас;
1.7 Фойдаланиш битимига оид саволлар юзага келганида фойдаланувчи мурожаатнома орқали ZiyoNET портали маъмурияти билан боғланиб жавоб олиши мумкин;
1.8 Интернетга кириш ҳуқуқига эга бўлиш ва шу мақсадда жиҳоз ва дастурий маҳсулотларни сотиб олиш, ўрнатишга оид муаммоларнинг бартараф этилиши битим доирасида эмас ҳамда фойдаланувчининг ўзи томонидан ҳал этилади.
2. Фойдаланувчилар
2.1 ZiyoNET порталидан фойдаланувчилар:
- оддий фойдаланувчилар;
- ID.UZдан рўйхатдан ўтган фойдаланувчилар каби гуруҳларга бўлинади.
2.2 ID.UZ – бу OpenID технологияларини қўллаб-қувватловчи рўйхатдан ўтишнинг ягона тизимидир.
2.3 Айни пайтда ID.UZ тизими ZiyoNET тармоғининг барча сайтларидан, шунингдек, OpenID технологияларни қўлловчи барча сайтлардан рўйхатдан ўтишни таъминлайди.
2.4 ZiyoNET порталининг оддий фойдаланувчилари фақатгина маълумотлар билан танишишлари мумкин;
2.5 ID.UZ тизимидан рўйхатдан ўтганлар қўйидаги имкониятларга эга:
2.5.1 ZiyoNET порталининг кутубхонасига таълимий ахборот ресурсларини жойлаштириш;
2.5.2 3 даражали «zn.uz» доменида сайт-сателлитларини яратиш;
2.5.3 ZiyoNET порталининг ёпиқ бўлимларига кириш имтиёзига эга бўлиш.
2.5.4 ZiyoNET ахборот ресурс тармоғининг турли танловларида иштирок этиш.
3.1 ZiyoNET портали Ўзбекистон Республикасига алоқадор бўлган ахборот - таълимий ресурсларга, янгиликларга ҳамда сайтлар тавсифи келтириб ўтилган каталогларга эга;
3.2 ZiyoNET порталига жойлаштирилган ресурслар текширувдан ўтади;
3.3 ZiyoNET тармоғи ресурсларига Fikr.uz, Tanlov.uz, uTube.uz, wiki.zn.uz;
сайтлари киради.
4.1 ZiyoNET ахборот таълимий порталининг сайт-сателлитлари интернет тармоғидаги сайтлар билан ишлаш ва уларни бошқариш билан танишишнинг дастлабки босқичи ҳисобланади. Сайт-сателлитларнинг фаолияти интернет тармоғидаги ахборот-таълимий ресурслар билан ишлашга ўргатиш ҳамда ўқитувчилар, ўқувчилар ва хоҳловчи шахсларнинг ушбу йўналишдаги даражасини оширишга қаратилган. Сайт сателлитлардан фойдаланиш келгусида Wordpress контент тизимини бошқариш(CMS)га тайёргарликни белгилаб беради. Барча сайт-сателлитлар 3- даражали домен -«zn.uz»га мослаштирилган;
4.2 Сайт-сателлитлар ўзга сайтларни оммалаштирувчи ҳамда реклама қилувчи ахборот майдончаси эмас;
4.3 3 –даражали «zn.uz»даги сайтларга янгиликлар киритилиши домий равишда назорат қилиб борилади.;
4.4 Ҳар бир сайт-сателлитга охирги 3 ой мобайнида камида 5 та мақола жойлаштирилиши шарт;
4.5 Ушбу қоидаларга амал қилинмаганда фойдаланувчининг рўйхатдан ўтиш жараёнида кўрсатиб ўтилган почта манзилига келгуси икки ҳафта мобайнида янгилик киритиш кераклиги кўрсатилган огоҳлантириш хати юборилади. Огоҳлантириш юборилган икки ҳафта ўтгач фойдаланувчи сайтига янги маълумот киритмаса, сайт маъмурияти сайтни ёпиб қўйиш, кейинчалик эса сайтни ўчириш ҳуқуқига эга;
4.6 ZiyoNET порталининг маъмурияти сайт-сателлитларнинг ишлаш жараёнида техник носозликлар юз берганида дастурий таъминотга оид техник ёрдам кўрсатиши мумкин;
4.7 ZiyoNET порталининг маъмурияти сайтга ишлов бериш, уни тўлдириш, ривожлантириш билан шуғулланмайди.
5.1 Давлат сиёсатига мос келмайдиган мазмундаги сўзлар ифодаланган мақолалар қолдириш, мақола ва изоҳлар ёзиш жараёнида қўпол, “кўча тили” акс этган сўзларни ёзиш;
5.2 Қуйидаги мазмун ва номга эга бўлган хабар қолдириш кескин таъқиқланади:
5.2.1 Ўзбекистон Республикаси қонунларига зид бўлган;
5.2.2 умуминсоний ахлоқ нормаларига монелик қилувчи;
5.2.3 миллий, диний зиддиятларни келтириб чиқарувчи сўзларни акс этган мақолалар ёзиш;
5.2.4 шаҳвоний ва порнографик мазмунга эга бўлган тасвир ва видеолавҳаларга кўрсаткичлар қолдириш;
5.3 Мақолалар ва материаллар, изоҳлар матнида пуллик хизматларни татбиқ этувчи, реклама хизматини кўрсатиш хизматларини жорий этиш;
5.4 Сайтни маълумот билан тўлдириш ҳамда “ўзини кўрсатиш” мақсадида ҳеч қандай мазмунга эга бўлмаган мақола ва изоҳлар қолдириш;
5.5 Мақолага қолдириладиган изоҳлар бўлинмасидан бирор бир фойдаланувчига қарата ёзиладиган мақола мазмунига эга бўлган хатлар бўлинмаси сифатида фойдаланиш таъқиқланади;
5.6 ZiyoNET порталининг қонун-қоидалари, уларнинг бажарилишига ва сайт маъмурияти, таҳрирчилари фаолиятига қаратилган очиқдан-очиқ намойишкорона эътироз билдириш маън этилади.
6. ZiyoNET порталида муаллифлик ҳуқуқи
6.1 Фойдаланувчи ZiyoNET порталининг хизмати ёки хабарларидан нусха кўчириб, такрорлаб пул ишлаш мақсадида тижорий фойдаланмаслик мажбуриятини олади;
6.2 Фойдаланувчи www.ziyonet.uz дастурий ахборот технологияларини бузиш, шунингдек, дастурий маҳсулотлар кодини Fikr.uz сайтидан кўчириб олиб кейинчалик ўз мақсади йўлида фойдаланмаслик мажбуриятини олади;
6.3 Фойдаланувчи ZiyoNET порталининг сайтининг хизматлари, дастурлари ўзи билан боғлиқлигига, ундаги хабарлар ақлий мулк қонунлари – “Муаллифлик ҳуқуқи” ва шунга ўхшаш қонунларга мувофиқ ҳимояланганлигини тасдиқлайди ва тан олади;
6.4 ZiyoNET портали фойдаланувчига чегараланмаган, ўзгаларга берилмайдиган сервислар томонидан тақдим этилган дастурий таъминотдан фойдаланиш ҳуқуқини берган. Фойдаланувчи дастурий таъминотни кўчириши ва ўзгартириши, берилган дастурий таъминотдан ташқарида ушбу дастурни ўзгартириши; дастур кодини олиш мақсадида дастурий таъминотга кириши; сервиснинг дастурий таъминотига оид ҳуқуқларни сотиш ва ижарага бериш мақсадида учинчи шахсга тақдим этиши; сервисни рухсат этилмаган тарзда ўзгартириши мумкин эмас.
7. Махфийлик
7.1 ZiyoNet фойдаланувчидан олувчи барча маълумотларни тарқатиш шартларини у www.ziyonet.uz сайтида бўлиши жараёнида сўзсиз сақлайди.
7.2 Шахсий маълумотларни тўплаш ва улардан фойдаланиш
7.2.1 ZiyoNet порталининг маъмурияти фойдаланувчи www.ziyonet.uz сайтида бўлиш жараёнида у ҳақидаги маълумотни олади.
7.2.2 ZiyoNet порталининг маъмурияти фойдаланувчи ҳақидаги техник маълумотни- фойдаланувчининг IP адреси, Cookie ҳамда танишиб чиқаётган ресурси ҳақида унинг браузери орқали яққол олади;
7.2.3 Cookie — бу веб сайтга сизнинг ташрифингиз жараёнида компьютерингизга мослашаётгандаги ҳосил бўлувчи файл. Cookie сиз ҳақингиздаги ҳеч қандай шахсий хабарга эга эмас;
7.2.4 ZiyoNet порталининг маъмурияти фойдаланувчининг IP манзилини www.ziyonet.uz. Сайтига мослашиш жараёни сифатида сақлайди. . ZiyoNet порталининг маъмурияти фойдаланувчининг IP адресини унинг шахсий маълумотлари билан боғламайди, бунда эса фойдаланувчининг сайтга кириш жараёни ўзга фойдаланувчилар махфий билдиришини билдиради. ZiyoNet порталининг маъмурияти фойдаланувчининг IP манзилидан ўзга мақсадларда фойдаланмайди.
7.3 Шахсий хабарларни фош этилмаслиги
7.3.1 ZiyoNet порталининг маъмурияти фойдаланувчи ҳақидаги шахсий хабарни ҳеч кимга сотмайди ва тарқатмайди;
7.3.2 ZiyoNet порталининг маъмурияти қуйидаги ҳоллардагина фойдаланувчи ҳақидаги маълумотни учинчи шахсларга тақдим этади:
7.3.2.1 Фойдаланувчи ўзи ҳақидаги маълумотни тарқатилишини хоҳласа;
7.3.2.2 Агар у ҳақидаги керакли маълумот берилмаса, фойдаланувчи керакли хизматлардан фойдалана олмаса;
7.3.2.3 Агарда буни ўзбек ёки халқаро қонунчилик органлари қонунга мувофиқ ҳолда сўрашса;
7.3.2.4 Фойдаланувчи ZiyoNet порталининг Қоидаларини бузса.
8. Жазо чоралари
8.1 ZiyoNet порталининг фойдаланувчиси томонидан мавжуд Қоидаларнинг бандлари бузилган ҳолатда фойдаланувчи почтаси орқали огоҳлантириш олади. Агар ZiyoNet порталининг фойдаланувчиси томонидан мавжуд Қоидаларнинг бандлари такрорий бузилса, фойдаланувчининг ҳисоб ёзувидан ўтганлиги ҳақидаги қарор бекор қилинади ва у ҳақидаги маълумотлар тегишли идораларга йўлланади.
9.1 ZiyoNET порталининг маъмурияти ZiyoNET порталининг хизматлари фойдаланувчилар талабига мувофиқ тез, доимий, фаол, хатосиз ишлашига кафиллик бера олмайди;
9.2 ZiyoNET порталининг маъмурияти ZiyoNET портали билан интернет тармоғида ишлаш жараёнида учинчи шахс томонидан компьютерга ҳамда фойдаланувчи маълумотларига етказилган зарар жавобгарлигини ўз зиммасига олмайди;
9.3 ZiyoNET порталининг маъмурияти ZiyoNET порталидан фойдаланиш жараёнидаги бевосита ва билвосита йўқотишларга жавобгарликни ўз зиммасига олмайди;
9.4 ZiyoNET порталидан сайтидан фойдаланиш хизмати интернетдаги бошқа ресурсларга ҳам кўрсаткичга эга бўлиши мумкин. Ушбу ресурслардан фойдаланиш билан боғлиқ жараёнларга ва оқибатларга сайт маъмурияти ҳеч қандай жавобгарликни ўз зиммасига олмайди;
9.5 ZiyoNET порталининг маъмурияти кўрсатаётган хизматлар ва техник ёрдам ҳақидаги исталган маълумотлар тижорий мақсадда тарқатиш ва эълон қилиш мақсадида қўлланмайди.
